تااااااااااااااااااج

تاج جالى من منوشة حبيبة قلبى صاحبة مدونة sometimes ...


أسفه يامنوشة ع التأخير , أنا وعدتك انى هجاوبه والنهارده هوفى الوعد..




1- بدأت تدون امتى و دخلت العالم دا ازاى؟

أنا كنت حكيت الحكاية دى قبل كده فى بوست عندى .. لكن أحكيها تانى عشان خاطرك يامنوشة..

أول مرة دونت فيها كان يوم 19/3/2008 ..

دخلت العالم ده عن طريق منوشة صحبتى لان احنا اصحاب جدا وجيران وكمان زمايل كلية ودبلومة.. هى كانت عاجباها اوى مدونه أشرف توفيق لان هو بلدياتنا ومش بس كده ده كمان كان زميل خطيبها فى الدراسه وكنت كل ماأروح لها تفتح مدونته وتقرأ لى شويه .. لانه بيكتب شعر حلو وانا وهى عاشقتان للشعر ...


المهم ان منى بدأت تتوسع فى قراءة المدونات وكل يوم تحكيلى عن مدونة شكل لحد ماهى عملت مدونة وده فى الوقت اللى انا كنت بتابع صفحة اسمها مدونات فى جريدة الدستور وشفت فيها موضوع منشور من مدونة قضية عم احمد ودى اول مدونة انا فتحتها وكمان فى الفترة دى انا كنت كتبت موضوع العروسة جامعية والعريس مدبلم وكان عاجب أصحابى خالص واولهم منى وبعديها كتبت موضوع تانى وهى اللى اقترحت عليا انى اعمل مدونة .... حكاية طويلة صح ؟؟؟؟؟؟


2- ايه كان انطباعك فى البداية؟

كنت مبسوطة جدا وكل شويه افتح المدونة وابص عليها لدرجة انى جبت ماما وقعدت أقرأ لها المواضيع اللى انا كاتباها وكان عندى ايامها حالة اعجاب بنفسي فظيعة ......


3- مين اكتر واحد بتهتم بتعليقه على بوستك الجديد؟

اى حد ممكن يضيفلى قكرة جديدة لانى بحب جدا انى اعرف طول الوقت حاجت جديدة.. وطبعا اى زائر ينور مدونتى المتواضعة...

4- ايه اهم حاجة اتعلمتها من عالم التدوين؟

اتعلمت التضامن وازاى اشارك الناس فى فرحهم وحزنهم .. مش بس كده ده انا كمان اتعلمت ماأكونش سلبية مع ان دى صفة عمرها ماكانت فيا بس ساعات كنت ببعد عن الحاجات اللى بتزعل الناس لكن فى عالم التدوين بقول كل اللى انا عاوزاه لأى حد بس طبعا من غير تجريح....


5- ايه اكتر حاجة كرهتها؟

كرهت انى مش قادرة اكون منتظمة فى تنزيل بوستاتى وده طبعا غصب عنى .. يعنى مرة كنت فاصلة النت عشان الامتحانات والمذاكرة ومرة النت عطل عندى لمدة شهر .. وحاليا بردو مشغولة ... وبتمنى ان تيجى الفرصة اللى اكون فيها منتظمة فى الكتابة ....


6- حاسس ان التدوين له تأثير؟

والله انا انسانه غريبة شويه بحب اكون مشهورة ومعروفه وفى نفس الوقت مابحبش حد يعرفنى والحكاية دى لقيتها من خلال المدونة .. ان المدونين - طبعا مش كلهم - يكونوا عارفين مدونة مس بوسي وفى نفس الوقت مايعرفوش مين هى بوسي دى ...


واكتر حاجة عجبتنى جدا اننا بنات وشباب تقريبا فى عمر واحد بنتبادل الأفكار والآراء .. وكمان بقدر أقول اللى جوايا ليكم فى الوقت اللى انا بتكسف اقوله لاى حد فى العالم الواقعى ...


7- تهدى التاج لمين؟

أولا : لكل اللى عاوز ياخده
ثانيا : لشملولى ابن سحلولى
ثالثا : Afew good men
رابعا : كان نفسي أهديه ل m.k بس منوشة سبقتنى

خامسا : لسفينه اما يرجع ان شاء الله......





ويارب ماأكونش طولت عليكم مع انى عارفه انى طولت عليكم ...





كل سنه وانتم طيبين.............





Pusssssy