قاعدة من القواعد اللى كل الناس مؤمنين بيها فى كل المجنمعات ان أعما ال المنزل هى من اختصاص الستات
لكن للأسف مش كل الستات بيعرفوا يطبخوا مع ان الطبخ ده حاجة سهلة خالص .....ومن الستات اللى مش بيعرفوا يطبخوا دول حضرتى .........
وانا فى مصر عمرى ماطبخت ... مش بس كده ده انا عمرى ماحاولت اتعلم الطبخ اصلا ....
ولما كانت ماما تقولى يابنتى تعالى اعلمك حاجة تنفعك .. اقولها ايه ده ياماما انا ماعنديس استعداد اضيع عمرى فى المطبخ ... الوقت اللى يضيع فى المطبخ ده استغله فى حاجة مفيدة أحسن تقولى والله شكلك كده هتروحى بيوت الناس تفضحينا ويقولوا عليكى مابتعرفيش تطبخى عشان ماكنتيش بيأكلوكي فى بيت باباكى ... أرد عليها واقولها الراجل اللى يفكر بالطريقة دى مايستحقش انى اتجوزه وبعدين ياماما انا كل حاجة فى بيتى هتبقى اتوماتيك ومش هحتاج انى اتعب ... وكمان جوزى حبيبي اكيد هيجيبلى شغالة عشان مايتعبيش ..... وياحبيبتى كانت صابرة عليا زى ماتكون قلبها حاسس انه هييجى اليوم اللى اتعلم فيه برضايا أو غصب عنى.....
وزى مانتوا عارفين طبعا ان الغربة بتأدب الناس فأنا أقدر أقولكو ان انا واحدة من الناس اللى اتأدبوا دول ....
انا سبت مصر فى رمضان ورمضان زى مانتوا عارفين شهر خاص شويه وكل الناس فيه بتبقى مهتمة بالأكل اوى ... المهم ان بابا واختى كانوا بيبقوا طول النهار فى الشغل ويسيبونى فى البيت لوحدى وعشان ماتبقاش صورتى وحشة ادام بابا اللى فاكر انى طباخة ماهرة زى ماما قلت اما اجرب اعملهم الاكل النهارده.......
لقيت ميعاد الفطار خلاص قرب ومش عارفة اتصرف ؟؟؟؟؟؟؟؟ قلت اما اشوف فى اكل ايه فى التلاجة .... مالقيتش حاجة ....... يادى المصيبة اعمل ايه دالوقتى؟؟؟؟؟؟؟؟؟؟؟
قلت اشوف فى ايه فى الفريزر لقيت كيس بسلة ( وفى رواية ثانية بازلاء وفى رواية ثالثة تورلي) ......... قلت توكلت على الله وانا وحظى ........ ياهيقولولى شكرا او هيدلقوا البسلة على راسي .....ههههههههههههههه
شمرت عن ساعديا وبدأت اعصر مخى وافتكر ماما كانت بتعمل البسلة ازاى ...... الحمد لله افتكرت وكمان افتكرت جملة كانت اختى قالتهالى ...... قالتلى لو عاوزة تنجحى فى اى مجال لازم تكونى بتحبيه حتى لو كان الطبخ !!!!!!!!!!!!!!
وجدتها .......... بحبك يابسلة ... وبقيت كل مااعمل خطوة اقولها بحبك يابسلة عشان خاطرى يابسلة اطلعى حلوة وماتكسفينيش ادام بابا ... عشان خاطرى يابسلة ده انا بحبك يابسلة ................
انا دالوقتى خلصت طبخ وبحط الاكل وايدى بترتعش وهموت من الكسوف .......... حطيت الاكل وعملت نفسي بجيب حاجات من التلاجة بس فى الحقيقة انا واقفة اراقب رد فعلهم من بعيد .........
اول معلقة وتانى معلقة وانا منتظرة رد فعل بابا ..........
ولقيته بيقولى ايه الجمال ده .
انا :مش فاهمة !!!!!!!!!!!!!!!
قالى البسلة جميلة جدا ... نفسك فى الأكل زى نفس ماما بالظبط .........
انا : بلاش هذار والنبى يابابا قولى بقى هى ناقصة ايه ؟؟؟؟؟؟؟؟؟؟؟؟
قالى : تسلم ايدك ........
كنت هموت من الفرحة ومش مصدقة نفسي ونمت وانا طايرة من الفرحة ........
الاسبوع اللى فات بقى كنت بقضى الويك اند عند بابا ،،،،،،،،،، قلت بقى ايه اما اعمل لبابا اكلة حلوة كده .... اعمل ايه ؟؟؟؟؟؟؟؟ اعمل ايه ؟؟؟؟؟؟؟؟
اه لقيتها بسلة ......... هو انا بعرف اطبخ غيرها اصلا . هههههههههههههه
قلت لاختى ابقى هاتيلى وانتى جاية كيس بسلة ........... قالتلى انتى أخدتى عليها ولا ايه ..........
قلتلها انا بطبخ لبابا مش ليكى .
وبدأت اطبخ البسلة وبعدين جت فى دماغى فكرة البوست ونسيت وانا بطبخ اقولها بحبك يابسلة راحت زعلانه منى واتحرقت ...... عاجبكم كده ؟؟؟؟؟؟؟؟؟؟؟ المهم انى قعدت اصلح فيها وأظبطها وأقولها بحبك يابسلة .. وعملت الاكل لبابا وانا فى منتهى الكسوف لان البسلة اكيد وحشة ........
وانتظرت رد فعله ... ايه يابابا الأخبار ؟؟؟؟؟؟؟؟؟؟؟؟ قالى تسلم ايدك .
ايه ده هو بابا بيجاملنى ولا ايه ؟؟؟؟؟؟؟؟؟؟؟؟؟؟
يافرحة ماتمت وانا اللى افتكرت نفسي طباخة ماهرة بصحيح طلعت كلها مجاملات ؟؟؟؟؟؟؟؟؟ يلا بقى مفيش نصيب اتعلم الطبخ ....
بس الغريب جدا ان اختى كمان قالتلى ان البسلة حلوة وحلفت بالله مش مجاملة ..........
قلتلها انا عارفة اصلا انى طباخة ماهرة . ههههههههههههههههههههههه
والسر فى كده طبعا انى قلتلها بحبك يابسلة ....
بووووووووووووووسي
